عمرو إمام:عصام عطا الفقراء يعيشون أحيانا

Posted on November 6, 2012 by



 

صوره للشهيد عصام عطا

 

 

هو بالنسبة لينا كلنا إسم مواطن مصري منعرفش عنه قبل شهر 10 سنة 2011 اي حاجه ،ولا كمان هو كان يتوقع إننا نعرف عنه حاجه،عصام من فقراء هذا الوطن عصام مهمش كملايين غيره لاندري عنهم شئ ،
بعد التاريخ السابق ذكره “عصام” مبقاش موجود في دنيتنا “قتلته” الداخلية كعادتها مارست هوايتها الدموية في قتل “الفقراء” وزي ما يكونوا شايفين إنهم لازم يقتلوا منهم اكبر عدد ممكن زي ما يكون قتلهم شيء طبيعي زي ما يكونوا في حرب معاهم.
حظ عصام حلو إنه استُشهد في وقت الداخلية كل العيون عليها وكلنا منتظرين لهم غلطة وحصلت الغلطة وكان عصام اول غلطة ليهم بعد الثورة أول شهيد وضحية في سجون الداخلية واول ضحية للعسكر ومحاكماتهم الإستعمارية ، اتعرفت حكاية عصام وحاولنا علي قد ما نقدر إنه ميبقاش “خالد سعيد” جديد حاولنا نوقف حملة التشويه الي اتعرض لها .
أخوه ومحاموه ومركز النديم عملُوا كل الي ممكن يتعمل علي شان حق عصام ميروحش علي شان عصام ميعيش في نظر الناس والمجتمع علي إنه بلطجي وقتلة حلال كعادة مجتمعنا ( المتدين )!! وقدروا فعلاً يعملوا ده وقدروا يوصلوا للناس الحقيقة ، عصام عطا شهيد المحاكمات العسكرية مش بلطجي عصام بس ملهوش ظهر عصام زي 60 مليون مصري ممكن يتقلتوا أو يتحبسوا او يتسحلوا وكل ذنبهم انهم من فقراء المحروسة ،،
كام واحد بعد عصام الداخلية قتلته كام واحد بعد عصام اتسجن ظلم واتلفقتله قضية كام واحد بعد عصام اتعذب واتعلق جوه الاقسام وفي السجون كتير ولسه غيرهم كتير مستنين دورهم في أختيار نهاية لحياتهم الي هما اصلاً مجبرين عليها وعايشنها بالزق.
فقراء هذا البلد جنسيتهم مكتوبة غلط فى البطاقة إزاي إنتمائهم هيكون لبلد بتعاملهم علي انهم كمالة عدد ولما السُلطة بتقرر إن دورهم خلص بتطلعهم من اللعبة.
السُلطة تمارس على الفقراء دور “الإله” ،، إي إله يرضي لرعيتة تلك المذله والمهانه أفيقوا يا فقراء هذا الوطن فإن الألهة المقيمين معنا على ظهر هذا الكوكب طول الوقت كاذبون ففي أوطاناً أخري “الفقراء يعيشون أحياناً”
المجد للشهداء
لمجد والثورة من الفقراء

   http://www.amr-imam.blogspot.com

 

 

 

Advertisements
Tagged: